Fyrstu íbúðarkaup
Brú lífeyrissjóður býður fyrstu kaupendum upp á viðbótarlán. Hámarkslánshlutfall er 85% af kaupverði eignarinnar, þar sem grunnlánið nær yfir 65% og viðbótarlánið 20% til viðbótar. Einnig geta fyrstu kaupendur nýtt sér séreignasparnað til íbúðarkaupa eða borgunar á fasteignalánum, en til þess þarf að sækja um hjá Skatturinn.is.
Sækja um lán Lánareiknivél Almennt um fasteignalán
Hvað þarf ég að vita fyrir fyrstu kaup?
Mikilvægt er að kynna sér allar upplýsingar áður en sótt er um lán hjá Brú lífeyrissjóði. Mismunandi reglur gilda eftir því hvers konar lán er sótt um. Um fyrstu kaup gildir:
- Aðeins er lánað gegn veði í íbúðarhúsnæði.
- Skilyrði er að a.m.k. einn af umsækjendum sé sjóðsfélagi.
- Umsækjendur þurfa ekki að vera tengdir aðilar.
- Allir umsækjendur þurfa að vera/verða eigendur þeirrar eignar sem veðsett er fyrir láni.
- Skilyrði er að a.m.k. einn af umsækjendum búi í eigninni.
- Lán getur að hámarki verið 85% af kaupverði eignar.
- Lán getur ekki verið hærra en samanlagt brunabóta- og lóðamat.
- Ef sótt er um lán sem nemur 85% af kaupverði þá skiptist lánið í tvennt:
- Grunnlánið er 65% af kaupverði.
- Viðbótarlánið 20% af kaupverði.
- Grunnlánið er með verðtryggðum vöxtum.
- Grunnlánið getur verið með jöfnum greiðslum eða jöfnum afborgunum.
- Viðbótarlánið er með óverðtryggðum breytilegum vöxtum með 1% álagi umfram grunnlánið.
- Viðbótarlánið getur verið með jöfnum greiðslum eða jöfnum afborgunum.
- Lánsfjárhæð getur að hámarki verið 95.000.000 kr,-
- Ef sótt er um lánsfjárhæð hærri en 50.000.000 kr,- gerir sjóðurinn ríkari kröfur varðandi greiðslugetu og lágmarks lánshæfisieinkunn allra umsækjanda er B.
- Hámarkslánstími er 40 ár ef veðsetning er undir 65% af fasteignamati eignar, en styttist í 35 ár ef veðsetning er hærri.
- Samkvæmt reglum Seðlabanka Íslands (SÍ) er hámark máðarlegrar greiðslubyrðar fasteignalána 40% af mánaðarlegum ráðstöfunartekjum (fyrstu kaupendur).
- Viðmið fyrir útreikning á hámarks greiðslubyrði SÍ er: Jafnar greiðslur, lánstími að hámarki 40 ár fyrir óverðtryggð fasteignalán og að hámarki 25 ár fyrir verðtryggð fasteignalán og vextir ekki lægri en 5,5% fyrir óverðtryggð lán og 3% fyrir verðtryggð lán.
- Hér má lesa meira um viðmið SÍ og hvernig þau eru reiknuð.
Upplýsingar um vexti sjóðsins er að finna hér
Upplýsingar um verðskrá sjóðsins er að finna hér
Upplýsingar varðandi nýtingu á séreignarsparnaði á Skatturinn.is
Fylgigögn með umsókn
- Síðasta skattframtal (er hægt að nálgast á heimasíðu Skattsins, undir framtal síðustu ára á mínum síðum)
- Staðgreiðsla þessa árs og síðasta árs (er hægt að nálgast á heimasíðu skattsins undir almennt á mínum síðum)
- Ef á við: Greiðsluáætlun TR (er hægt að nálgast á heimasíðu Tryggingastofnunar undir "mínar síður").
- Ef á við: Yfirlit yfir meðlagsgreiðslur (er hægt að nálgast á Meðlag.is, innheimtustofnun sveitarfélaga, undir "mínar síður").
- Kauptilboð ásamt söluyfirliti.
- Yfirlit yfir eigið fé þarf að fylgja. Yfirlitið þarf að vera úr netbanka reikningseiganda sem sýnir: Reikningseiganda, dagsetningu og fjárhæð á reikningi. Skjáskot er ekki fullnægjandi.
- Yfirlit frá vörsluaðila séreignarsparnaðar þarf að fylgja ef nýta á úttekt úr séreignarsparnaði sem eigið fé, sem staðfestir þá fjárhæð sem laus er til úttektar.
- Afrit af löggildum persónuskilríkjum, t.d. ökuskírteini eða vegabréf.
- Meðlántaki þarf að skila inn umsókn um samþykki fyrir gagnaöflun.
- Umsóknin er aðgengileg á umsóknarvef eða með því að smella hér:1.1.2 Umsókn um samþykki fyrir gagnaöflun.
Hvernig má nýta séreignarsparnað?
Séreignarsparnaður verður til þegar þú safnar upp ákveðinni peningafjárhæð í stað þess að safna lífeyrisréttindum sem eru sameiginlega tryggð. Séreignarsparnaður er jafnan leystur út á eftirlaunaaldri og viðbótarlífeyri má nýta fyrir útborgun inn á íbúð eða til að greiða niður íbúðalán. Lesa má um viðbótalífeyrissparnað á Lífeyrismál.is.
Með því að nýta heimild um nýtingu séreignarsparnaðar getur þú eignast stærri eignarhlut í íbúðinni með tekjum sem annars væru skattlagðar. Þessi heimild er í samræmi við lög nr. 111/2016 og lög nr 55/2022 um stuðning til kaupa á fyrstu íbúð.
Brú lífeyrissjóður er ekki séreignarsjóður.
Upplýsingar á Skatturinn.is um nýtingu séreignasparnaðar vegna kaupa á fyrstu íbúð
Upplýsingar á Skatturinn.is um almenna heimild til nýtingar séreignar
Samantekt frá Skatturinn.is
Helstu skilyrði um stuðning til kaupa á fyrstu íbúð:
- Að þú hafir ekki átt meira en 30% hlut í íbúð áður.
- Að þú sért að eignast þína fyrstu íbúð eða hafir ekki átt íbúðarhúsnæði í 5 ár.
- Að þú eigir a.m.k. 30% hlut í húsnæðinu og að lán sé tryggt með veði í eigninni.
- Að þú kaupir eignina sjálf(ur) eða með öðrum einstaklingi.
Nýting séreignasparnaðar
- Þú sækir um nýtinguna innan 12 mánaða frá undirritun kaupsamnings.
- Heimildin getur staðið yfir í að hámarki 10 ára samfellt tímabil. Þú getur valið upphafstíma tímabilsins.
- Þú getur notað allt að 500 þúsund krónur á ári af séreignarsparnaði skattfrjálst í tíu ár til að kaupa þína fyrstu íbúð. Yfir tíu ára tímabilið getur einstaklingur því nýtt að hámarki 5.000.000 kr.
- Ef þú hefur áður greitt séreignarsparnað inn á höfuðstól láns samkvæmt fyrri heimild getur þú sótt um þetta úrræði (ef um er að ræða fyrstu íbúð). Tímabilið sem hefur þegar verið nýtt er dregið af tíu ára tímabilinu.
- Fólki er frjálst að skipta um húsnæði en kaupin verða að fara fram innan tólf mánaða frá sölu íbúðarinnar sem veitti réttinn í upphafi.
- Til að nýta úrræðið þarft þú að vera með samning um séreignarsparnað. Hægt er að sækja um hjá vörsluaðilum sem bjóða upp á séreignarsparnað.