Algengar fyrirspurnir og svör

Á ég rétt á mótframlagi í séreignarsparnað?

Reykjavíkurborg hefur, fyrst sveitarfélaga, gert samkomulag við Starfsmannafélag Reykjavíkurborgar og hlutaðeigandi aðildarfélaga BHM og BSRB um að greiða viðbótarframlag í lífeyrissjóð (sameignar- og séreignarsjóð), af heildarlaunum starfsmanns. Um er að ræða allt að 2% framlag gegn jöfnu framlagi starfsmanns.

Er hægt að greiða inn á höfuðstól lána?

Lántaki getur greitt inn á lán hvenær sem er á lánstímanum. Greitt er inn á reikning 0334-26-051982 og er kennitalan 491098-2529.

Er hægt að greiða upp lán hjá sjóðnum?

Hægt er að greiða upp lán með því að leggja inn á reikning 0334-26-051982 og er kennitalan 491098-2529.

Þarf að borga fyrir að greiða upp lán hjá sjóðnum?

Enginn aukakostnaður er við uppgreiðslu lána hjá sjóðnum.

Hversu hátt lán get ég fengið?

Lánsupphæð ræðst af fasteignamati veðs og greiðsluhæfi lántaka. Lánsupphæð er aldrei lægri en 500.000 og skilyrði sett að lántaki skili greiðslumati frá viðskiptabanka sínum.

Á ég rétt á láni frá LSS?

Umsækjandi þarf að vera starfsmaður sveitarfélags, stofnunar þess eða fyrirtækis, kjörinn í nefnd þess eða ráð.  Aðrir sem greitt hafa iðgjöld til sjóðsins eða lífeyrissjóða með bakábyrgð sveitarfélags hafa ennfremur rétt til lántöku. Lífeyrisþegar, sem uppfylla framangreind skilyrði geta átt kost á láni hjá sjóðnum.