Lífeyrissjóður starfsmanna Kópavogsbæjar

Ársfundur Lífeyrissjóðs starfsmanna Kópavogsbæjar 2012

Ársfundur Lífeyrissjóðs starfsmanna Kópavogsbæjar verður haldinn fimmtudaginn 10. maí kl. 17.00 í Bæjarstjórnarsal Kópavogsbæjar, Fannborg 2, 1. hæð.

Dagskrá
1. Venjuleg ársfundarstörf samkvæmt samþykktum sjóðsins
2. Breyting á samþykktum
3. Önnur mál löglega upp borin
a. Kynning á mögulegri sameiningu lífeyrissjóða með bakábyrgð sveitarfélaga

Allir sjóðfélagar sem og launagreiðendur og viðkomandi stéttarfélög eiga rétt til fundarsetu með málfrelsi og tillögurétti og eru þeir hvattir til að mæta

Fundargögn verða afhent á fundarstað fyrir setningu fundarins

Kópavogi, 20. apríl 2012

Stjórn Lífeyrissjóðs starfsmanna Kópavogsbæjar

STARFSEMI LSK 2010

Afkoma Lífeyrissjóðs starfsmanna Kópavogsbæjar fyrir árið 2010 er nú komin á vefinn. Hér má nálgast töflu með helstu tölum úr starfsemi sjóðsins. Hér má nálgast ársreikning LSK 2010 í heild sinni.

LSS tók við rekstri LSK 1. mars 2010

Þann 18. janúar síðastliðinn var skrifað undir samning um að Lífeyrissjóður starfsmanna sveitarfélaga annist allan daglegan rekstur Lífeyrissjóðs starfsmanna Kópavogsbæjar frá 1. mars 2010 að telja.

Í því felst að LSS annast allt réttindabókhald, útreikning og útborgun lífeyris og hefur umsjón með öllu reikningshaldi fyrir sjóðinn, ásamt móttöku, vörslu og ávöxtun iðgjalda, sem og eignastýringu. Rekstur LSK verður þó áfram á kennitölu og undir nafni LSK.

Sérstök áhersla er lögð á að LSS veiti sjóðfélögum í LSK góða þjónustu, öruggar upplýsingar og traustar ráðleggingar.

Samningur þessi er sambærilegur samningum sem LSS hefur gert áður um rekstur Lífeyrissjóðs starfsmanna Reykjavíkurborgar, Lífeyrissjóðs starfsmanna Húsavíkurkaupstaðar, Lífeyrissjóðs Neskaupstaðar og Lífeyrissjóðs Akraneskaupstaðar en allir þessir lífeyrissjóðir eru svokallaðir eftirmannsreglusjóðir og hefur þeim verið lokað fyrir nýjum sjóðfélögum frá miðju ári 1998.

Ársskýrslur Lífeyrissjóðs starfsmanna Kópavogsbæjar (pdf)

Fjárfestingarstefna Lífeyrssjóðs starfsmanna Kópavogsbæjar (pdf)

Fjárfestingarstefna LSK

Samþykktir Lífeyrissjóðs starfsmanna Kópavogsbæjar (pdf)

Samþykktir LSK