Leiðbeiningar um afgreiðslu iðgjalda til V-deildar

Skilagreinum til V-deildar LSS skal skila til :
Lífeyrissjóðs starfsmanna sveitarfélaga
Sigtúni 42
105 Reykjavík

Iðgjöld skulu lögð inn á reikning:
Bankareikningur nr. 0338-26-1121
Arion banki
Kt. 491098-2529

Á skilagreinum þarf eftirfarandi að koma fram:

Nafn, kennitala og heimilisfang launagreiðanda.

Iðgjaldatímabil.

Dagsetning greiðslu.

Nafn, kennitala og iðgjald sjóðfélaga.

Framlag launagreiðanda og heildargreiðsla.

Taka þarf fram í hvaða deild LSS iðgjöldin skuli fara (V-deild).

Lífeyrissjóðsnúmer V-deildarinnar 683 er fyrir 11,5% mótframlag.

Lífeyrissjóðsnúmer V-deildarinnar 685 er fyrir 8% mótframlag.

Aðild
Allir sem eiga skylduaðild að A-deild LSS, geta fært sig yfir í V-deild(sjá leiðbeiningar um afgreiðslu iðgjalda í A-deild LSS) .

V-deild LSS er að auki opin öllum þeim sem ekki eiga skylduaðild að öðrum sjóði samkvæmt kjarasamningum, lögum eða ráðningarsamningi.

V-deildin er einnig opin öllum sem vilja nota viðbótarlífeyrisiðgjald til aukinnar samtryggingar lífeyrisréttinda.

Iðgjöld
Í V-deild er lágmarks iðgjald 12% af öllum launum. Allt iðgjald umfram 10% verður viðbótariðgjald

Hlutur sjóðfélaga er 4% en að jafnaði er mótframlagið ýmist 11,5% eða 8%.

11,5% er mótframlag launagreiðenda fyrir alla starfsmenn sem eiga skylduaðild samkv. kjarasamningum að LSS.

8% er að jafnaði mótframlag launagreiðenda vegna annarra sjóðfélaga, þ.e. þeirra sem ekki eiga skylduaðild að LSS.

Sjóðfélagar sem skila meiru en 12% af launum í V-deild geta valið hvernig þeir ráðstafa viðbótariðgjaldinu.

Viðbótariðgjaldinu geta sjóðfélagar svo varið til að auka sérstaklega einhver grunnréttindi í samtryggingarvernd V-deildar eða sett í séreignardeild.

Grunnréttindin skiptast í ellilífeyri, örorkulífeyri og makalífeyri. Þau er unnt að hámarka með því að ráðstafa viðbótariðgjaldi til einhvers þeirra í einhvern tíma. Sjóðfélaginn getur t.d. ákveðið að auka sérstaklega makalífeyrisréttindi með greiðslu viðbótariðgjalds að öllu leyti eða að hluta í nokkur ár síðan breytt áherslu með því að auka örorkutryggingarverndina t.d. í 5 ár og að lokum hámarkað ellilífeyri í samtryggingunni eða sett viðbótariðgjaldið í séreignarsparnað eða sambland af hvoru tveggja.

Sjóðfélagi þarf að tilkynna skriflega til LSS um ráðstöfun (skiptingu) viðbótariðgjalds (umfram 10% af launum). Sé það ekki gert er öllu iðgjaldinu ráðstafað sjálfkrafa í grunnréttindi í V-deild.

Skilagreinar
Skil á kjarasamnings- eða ráðningarsamningsbundnu 15,5% iðgjaldi í V-deild skulu gerð í einu lagi.

Mikilvægt er að halda aðgreindum á skilagreinum þeirra sem greiða 15,5% frá þeim sem greiða 12% eða aðra prósentutölu svo að LSS geti deilt mótframlaginu rétt á sjóðfélagann.

Öðrum viðbótariðgjöldum (viðbótarlífeyrissparnaði) í V-deild þarf að skila á sér skilagrein.