Samanburður deilda

Í A-deild eru réttindin þekkt, fyrirfram ákveðin og hliðstæð réttindum í A-deild Lífeyrissjóðs starfsmanna ríkisins. Ávöxtun iðgjalda og önnur óvissa um rekstur hefur engin áhrif á réttindi sjóðfélaga. Samsetning réttindanna er valin með dæmigerðan einstakling í huga sem leggur áherslu á öflug elli- og örorkulífeyrisréttindi. Þú aflar þér jafn verðmætra réttinda ungur sem aldinn. A-deild er hiklaust valkostur fyrir þá sem komnir eru á seinni hluta starfsævinnar og fyrir þá sem leggja áherslu á öryggi.

Í V-deild fer öflun réttinda eftir aldri þeirra sem eru að greiða. V-deildin er þannig tryggingafræðilega rétt og skírskotar ef til vill aðallega til yngri starfsmanna. En V-deildin veitir einnig möguleika til að velja sér samsetningu á lífeyristryggingu sem A-deild veitir ekki. Sjóðfélaginn getur varið iðgjaldi umfram lágmarkstryggingarvernd til að bæta sérstaklega ákveðna þætti samtryggingar, s.s. elli- eða örorkulífeyrisréttindi. V-deild er hiklaust valkostur fyrir þá sem eru yngri og fyrir þá sem leggja áherslu á valfrelsi í samsetningu réttinda.

Í S-deild getur sjóðfélaginn komið fyrir séreignasparnaði sínum til elliára og haft þannig bæði lífeyris- og séreignarsparnað á einum stað. Með séreignasparnaði getur hann verið viss um að hann eða erfingjar hans fá séreignina greidda í fyllingu tímans. Sparnaður í séreignadeild er ekki skattskyldur. Sjóðfélagi í S-deild sem orðinn er 60 ára getur valið að umbreyta séreign sinni í réttindi í V-deild. Þessi kostur er sérstök nýjung hjá LSS.

Samanburður á valkostum

Þessir valkostir eru útskýrðir betur undir hverri deild fyrir sig.

	A-DEILD	V-DEILD	S-DEILD
Aðild:
Réttur til aðildar:	Félagsmenn BHM og BSRB og þeir sem áttu aðild að eldri lífeyrissjóðum sveitarfélaga.	Ótakmarkaður.	Ótakmarkaður.
Iðgjald:
Iðgjald sjóðfélaga	4% af heildarlaunum	4% af heildarlaunum
Iðgjald launagreiðanda:	Það sem þarf til að greiða réttindi, nú 12% af heildarlaunum.	11,5% af heildar-launum skv. kjarasamningi en opið öðrum sjóð-félögum sé samtal 10% eða hærra.	Umsamið (umfram 10% af heildarlaunum þ.e. lágmarksiðgjald)

Ellilífeyrir:	Fyrirfram ákveðinn.	Breytilegur.	Breytilegur.
Upphæð ellilífeyris	1,9% af launum.	Uppsöfnun aldursbundinnar ávinnslu	Iðgjöld og ávöxtun þeirra.
Verðtrygging lífeyris:	Já.	Já.
Almennur ellilífeyristökualdur	65 ára.	65 ára.	65 ára.
Má flýta töku ellilífeyris:	Já frá 60 ára aldri.	Já frá 60 ára aldri.	Já frá 60 ára aldri.
Ef töku lífeyris flýtt	0,5% skerðing fyrir hvern mánuð.	0,45-0,65% skerðing fyrir hvern mánuð	Séreign greidd á a.m.k. 7 árum.
Ef töku lífeyris frestað:	0,8% aukning fyrir hvern mánuð	0,7-0,9% aukning fyrir hvern mánuð	Séreign greidd á umsömdum tíma
Réttur til töku lífeyris með starfi	Já	Já	Já
Örorkulífeyrir:
Byggir á:	Ellilífeyri	Ellilífeyri	Heimilt að flýta greiðslu séreignar.
Réttur til framreiknings:	Já	Já	Nei
Lágmarksörorka	40%	40%
Viðmið örorku:	M.v. eigið starf í 5 ár. Síðan almenn	M.v. eigið starf í 5 ár. Síðan almenn
Makalífeyrir:
Byggir á	50% ellilífeyris.	50% ellilífeyris.	Séreign sem erfist.
Réttur til framreiknings	Já.	Já.
Hve lengi lífeyrir:	Fullur í 3 ár og hálfur í 2 ár. Fullur uns yngsta barn nær 22 ára aldri	Fullur í 2 ár eða uns yngsta barn nær 18 ára aldri.	Dreifist á a.m.k. 7 ár eða þann tíma sem vantar á 67 ára aldur
Missir makalífeyris	Já ef ný sambúð	Já ef ný sambúð	Nei
Barnalífeyrir:
Ef sjóðfélagi deyr	11.619* á mánuði verðtryggt	8.714* á mánuði verðtryggt	Séreign sem erfist
Ef sjóðfélagi öryrki	M.v. 100% örorku 7.500 kr á mánuði verðtryggt	M.v. 100% örorku 7.500 kr á mánuði verðtryggt.	Séreign sem erfist.
Hve lengi	Að 22 ára aldri	Að 18 ára aldri	Greitt á 5 árum ef barn yngra en 14 ára en ella á því sem vantar á 18 ára aldur